Uncategorized

کے پی میں گورنر راج اور ایمرجنسی کے خلاف درخواستوں پر اٹارنی جنرل کو نوٹس جاری

پشاور ہائیکورٹ کے جسٹس اعجاز انور اور جسٹس فہیم ولی پر مشتمل بینچ نے گورنر راج اور ایمرجنسی کے خلاف پی ٹی آئی کی درخواستوں پر سماعت کی۔ دوران سماعت چیئرمین پی ٹی آئی بیرسٹر گوہر نے عدالت سے صوبے میں ایمرجنسی اور گورنر راج معطل کرنے کی استدعا کی۔ بیرسٹر گوہر نے کہا کہ ایک ہی دن میں ایمرجنسی اور گورنر راج نافذ ہوا، اسی روز ایڈوائزری کونسل تشکیل پایا، 38 ڈپٹی کمشنر تبدیل ہوئے، ہمارے12 اراکین قومی اسمبلی اور 13 اراکین صوبائی اسمبلی اٹھائےگئے۔ اس موقع سلمان اکرم راجہ نے دلائل میں کہا کہ صوبائی حکومت کی اجازت کے بغیر گورنر راج اور ایمرجنسی نافذ نہیں کی جاسکتی۔ بعد ازاں عدالت نے اٹارنی جنرل کے دفتر کو نوٹس جاری کرتے ہوئے جواب طلب کرلیا اور درخواستوں پر سماعت 10 نومبر تک ملتوی کردی۔