Uncategorized

وفاقی حکومت کا اخراجات قابو میں رکھنے کیلئے کفایت شعاری اقدامات جاری رکھنے کا فیصلہ

ذرائع کے مطا بق وفاقی کابینہ نےکفایت شعاری کے اقدامات رواں مالی سال جاری رکھنے کی منظوری دے دی ہے جس کےبعد کابینہ ڈویژن نے وفاقی کابینہ کا فیصلہ عمل درآمد کے لیے وزارت خزانہ کو بھجوادیا ہے۔

گزشتہ 3 سال سےخالی تمام آسامیاں ختم کردی جائیں گی ، نئی آسامیوں کی تخلیق پرپابندی برقرار رہےگی اور رواں مالی سال ہر قسم کی گاڑیوں کی خریداری پر پابندی جاری رہے گی۔

مشینری اور آلات کی خریداری پر پابندی کو برقرار رکھا گیا ہے، حکومتی اخراجات پرملک سے باہر علاج پر پابندی برقرار رہےگی جب کہ حکومتی خرچے پرغیر ضروری بیرونی دوروں پرپابندی جاری رہے گی۔

وفاقی وزارت خزانہ کی جانب سےکفایت شعاری کےاقدامات جاری رکھنے کا نوٹیفکیشن جلد جاری کیے جانے کا امکان ہے۔