Uncategorized

بانی پی ٹی آئی کی بہنیں انتشار پھیلانا اور اسلام آباد پر چڑھائی چاہتی تھیں اس لیے جیل میں ہیں، رانا ثنا

وزیراعظم کے مشیر اور سینیٹر رانا ثنا اللہ نے کہا ہے کہ بانی پی ٹی آئی کی بہنیں اس لیے جیل میں ہیں کیونکہ وہ اسلام آباد پر چڑھائی کرنا اور انتشار پھیلانا چاہتی تھیں۔ سینیٹ اجلاس میں گفتگو کرتے ہوئے رانا ثنا اللہ نے اظہار خیال کرتے ہوئے کہا کہ سپریم کورٹ کے سامنے تمام معاملات رکھے گئے ہیں، جیل میں دی جانے والی تمام سہولیات کا بھی سپریم کورٹ میں خود انکے وکیل نے بتایا۔ انہوں نے کہا کہ جو رپورٹ سپریم کورٹ اور انہیں دی گئی تھی اس میں کوئی فرق نہیں تھا۔ رانا ثنا اللہ نے کہا کہ کل نورین نیازی کی طبیعت خراب ہوئی تو انہیں فوری طور پر اسپتال منتقل کیا گیا۔ رانا ثنا اللہ نے کہا کہ نورین نیازی اور بانی پی ٹی آئی کی بہنیں جیل میں اس لئے ہیں کیونکہ وہ انتشار پھیلانا۔ وہ اسلام اباد پر چھڑائی کرنا چاہتی تھیں۔ مشیر وزیراعظم نے کہا کہ سینٹر کامران مرتضی نے کہا اگر ریاست ایسا رویہ نا رکھے تو کچھ نہیں کہیں گے، جب ریاست کو ماں کا درجہ دیا گیا ہے تو ایسے الفاظ استعمال نہیں ہو سکتے، تھوڑے عرصہ پہلے ایسی ہی باتین شہیدا کے حوالے سے بھی کی گئی تھی۔ رانا ثنا اللہ نے کہا کہ اپنی ذاتی انا کو اجتماعی انا اور مفاد میں نہیں لے کر جانا چاہیے۔ خواتین کو اٹھایا جارہا ہے، اتنا ظلم تو مارشل لا دور میں نہیں ہوا، فلک ناز چترالی قبل ازیں تحریک انصاف کی سینیٹر فلک ناز چترالی نے کہا کہ بانی پی ٹی آئی عمران خان کی غیر سیاسی بہنیں گرفتار ہیں، نورین نیازی کی طبیعت خراب ہے، انہیں رات کو ہارٹ اٹیک ہوا، نورین نیازی کی بیٹی کو والدہ سے ملاقات کی اجازت نہیں دی جا رہی، بانی پی ٹی آئی کی بہنوں کا قصور صرف بھائی کی رہائی کے لیے مہم چلانا ہے۔ فلک ناز چترالی نے کہا کہ بانی پی ٹی آئی کی تینوں بہنوں کو رہا کیا جائے،اتنا ظلم تو شاید مارشل لا کے دور میں بھی نہیں ہوا، مریم نواز سے درخواست ہے کہ خواتین پر مظالم بند کیے جائیں، ایم این اے اقبال آفریدی کے گھر رات چار بجے پولیس نے چھاپہ مارا، اقبال آفریدی کے گھر سے خواتین کو اٹھایا گیا، ہمارے ساتھ ظلم ہو رہا ہے، خواتین کو بھی نہیں بخشا جا رہا۔