Sports

سہ ملکی سیریز فائنل: سری لنکا کا پاکستان کے خلاف شاندار آغاز

پاکستان اور سری لنکا کے درمیان سہ ملکی ون ڈے انٹرنیشنل سیریز کا فائنل آج لاہور میں کھیلا جا رہا ہے، جہاں پاکستان نے سری لنکا کا پہلا شکار کرلیا ہے۔ قذافی اسٹیڈیم لاہور میں کھیلے جا رہے فیصلہ کن مقابلے میں پاکستان کے خلاف سری لنکن ٹیم کی بیٹنگ جاری ہے۔ سری لنکن اوپنرز نے قومی ٹیم کے خلاف اننگز کا شاندار آغاز کیا ہے۔ سری لنکا کے 87 رنز پر ایک کھلاڑی آؤٹ ہوا ہے۔ سلمان آغا نے سری لنکن اوپنر اوشکا فرنینڈو کو ایل بی ڈبلیو سے آؤٹ کیا ہے۔ دونوں ٹیمیں ٹرافی جیتنے کے لیے میدان میں اتری ہیں۔ پاکستانی ٹیم میں شاداب خان کی جگہ فہیم اشرف کو شامل کیا گیا ہے۔ فائنل سے قبل دونوں ٹیموں کے کپتانوں نے گورنر ہاؤس لاہور میں ٹرافی کے ساتھ فوٹو شوٹ میں حصہ لیا۔ قومی ٹیم کی قیادت شاہین شاہ آفریدی کر رہے ہیں جبکہ سری لنکن ٹیم کی کپتانی کوشل مینڈس کے سپرد ہے۔