World News

ایران نے جوہری مذاکرات پر امریکا کو نئی تجاویز بھیج دیں

سینئر سفارت کار اور امریکا میں پاکستان کے سابق سفیر مسعود خان نے انکشاف کیا ہے کہ ایران نے قطر کی وساطت سے امریکا کو جوہری مذاکرات پر نئی تجاویز بھیج دی ہیں، جس کے بعد دونوں ممالک کے درمیان سفارتی پیش رفت کے واضح امکانات موجود ہیں۔ مسعود خان کے مطابق اس نئے فارمولے کے تحت ایران اپنی یورینیم کی افزودگی کی حد کو کم کر کے سویلین سطح یعنی 3.6 فیصد تک لانے پر آمادہ ہو سکتا ہے، تاہم ایران کے موجودہ ایٹمی ذخائر کا معاملہ تاحال فریقین کے درمیان ایک اہم رکاوٹ بنا ہوا ہے۔ ایران کے ایک سینیئر عہدیدار نے برطانوی خبر رساں ایجنسی ’رائٹرز‘ کو تصدیق کرتے ہوئے کہا کہ امریکا تہران کی جانب سے بھیجی گئی تجویز کا جائزہ لے رہا ہے۔