World News

ایران کی آبنائے ہرمز کھولنے کے بدلے قطر میں ضبط 8 ارب ڈالر واپس کرنے کی تجویز

ایران کی آبنائے ہرمز کھولنے کے بدلے قطر میں ضبط 8 ارب ڈالر واپس کرنے کی تجویز، قطری وزیراعظم تہران کی تجویز لے کر واشنگٹن پہنچ گئے، امریکا منجمد اثاثے واپس کرنے پر غور کرنے لگا، آبنائے ہرمز کھولنے اور خلیجی جہازوں پر حملے روکنے کے بدلے امریکی بحری و اقتصادی ناکہ بندی ختم کرنے کی تجویز دی ہے۔ برینٹ خام تیل 3.6فیصد کمی کے ساتھ 94.76 ڈالر فی بیرل پر آگیا،وینس،کشنر اور دیگر سمجھوتے کے حامی، روبیو، ہیگستھ مخالف، ایران بعض مطالبات ترک کردے گا۔ آبنائے ہرمز کی بندش اور خلیج میں بحری جہازوں پر حملوں کے باعث پیدا ہونے والے عالمی توانائی بحران کے خاتمے کے لیے امریکا اور ایران کے درمیان قطر کی ثالثی میں ایک نئے عبوری سمجھوتے کی کوششیں تیز ہوگئی۔ اسرائیلی اخبار کے مطابق ایران نے آبنائے ہرمز کھولنے کے بدلے قطر میں منجمد اپنے 8 ارب ڈالر کے اثاثے بحال کرنے کی تجویز پیش کی ہے، امریکی صدر ٹرمپ سے قطری وزیراعظم کی ملاقات ہوگئی ہے جو واشنگٹن پہنچ چکے ہیں، تاہم دونوں حکومتوں نے اس مجوزہ سمجھوتے کی تصدیق نہیں کی اور امریکی حکام کے مطابق فوری معاہدے کے امکانات محدود ہیں۔