Uncategorized

نئے صوبوں پر اتفاق رائے پیدا کیا جا رہا ہے، زیادہ دیر نہیں لگےگی: خواجہ آصف

خواجہ آصف کا کہنا تھا کہ اتفاق رائے کے بعد سیاسی منظرنامہ تیزی سے تبدیل ہوگا، نئے انتظامی یونٹس سےکسی کی سیاست کو خطرہ نہیں، نئے انتظامی یونٹس یا صوبے بننا پاکستان کے لیے خوشگوار چیز ہوگی۔ خواجہ آصف کا کہنا تھا کہ سیاسی بیانیے وقت کے ساتھ بدلتے رہتے ہیں، نئے صوبوں پر بات کرنےکے لیے اسٹیبلشمنٹ نےکبھی نہیں کہا، نئےانتظامی یونٹس یا صوبےکیسے بنیں گے مجھے طریقہ کارنہیں معلوم۔ وفاقی وزیرکا کہنا تھا کہ نئے سال میں نیا سسٹم آسکتا ہے، تمام سیاسی جماعتوں کو آن بورڈ لیاجا رہا ہے امید ہےکوئی حل نکل آئےگا، ہفتوں میں تمام خدشات اتفاق رائے میں بدل جائیں گے۔ ان کا کہنا تھا کہ بانی پی ٹی آئی راضی ہوجائیں تو ان کے لیے سیاسی مواقع پیدا ہوسکتے ہیں، ملاقاتوں میں مثبت پیشرفت ہو رہی ہے، سیاست ممکنات کا نام ہے۔ آصف زرداری، نواز شریف اور دیگر رہنما اتفاق رائےکی کوشش کر رہے ہیں۔